話說兩星期前學校家長日拎成績表，小小豬嘅成績令我喜出望外，所以班主任老師都叫我唔洗擔心佢學術方面，反而就同我地分享左啲方法可以令小小豬再有突破。
當中班主任話小小豬係屬於數理人，叫我地俾多啲解難題型俾佢思考之外，仲介紹左我地玩依個mBot編程教學機械人(老師仲分享佢囡囡依家中三都仍然玩緊)，透過STEM發揮多啲佢嘅潛能。
班主任介紹得就緊係要即刻上網搵，見佢都唔係太貴，所以就訂左一部俾小小豬，前日送到。原本都打算測驗完先俾小小豬開嚟玩，不過有班主任嘅加持，Daddy就當然話唔洗等，就當係溫習中途嘅叉電時間啦！
由於時間關係，所以暫時小小豬都只係砌好左個機械人(看似好簡單…但原來都幾難難地)，然後只係玩啲簡單程式。
我靜靜地睇左好多youtube教學分享，又真係有好多玩法，睇見都好好玩咁，等測驗完我地就再慢慢繼續研究，同小小豬齊齊學玩啦~
Search